我先到地圖上，標記住「電機裝置」的位置。
那裡位於地鐵站中的地方，跟擺放糧食的地方一樣，可能是為了隱密的關係。
不同於昨晚，今天有人在外面把守著，但人數很少，只有大概三、四個左右。
我在旁觀察了一會，見他們都一副不願把守崗位的模樣，幾個人一起抱怨地閒聊著。
如果估計無誤，少佐應該就在他們的據點中。
經過了半天的觀察和等待，我得悉了混入去的最好辦法，還是透過潛行。
這群康城居民可以說是十分優閒，他們在康城一期的中心處放置了外國美式的氣體燒烤爐，上面香烤著麵包、香腸、肉排等物，旁邊又放置幾張沙灘椅，他們們能躺坐去看書。
而地上都有大大小小的電線，是連接去地鐵站那邊，我猜這些電器能夠運作，都靠著裡面所謂的「電機裝置」。
的確有著不法者的風貌，外面世界的人為了生存辛苦得像隻狗，康城倖存者的生活就舒適得讓人釋出妒嫉。
我開始明白，地鐵站那幾個把守住崗位的人，為什麼會悶悶不樂了。
他們的防守鬆懈得形同虛設，沒人擔當守衛看顧入口處、沒人擔當哨兵留意入侵者、沒人擔當領導者角色，所有人都是各有各輕鬆。
這一帶，就真的只餘下他們不法者自己......才能這般放下戒備嗎。
在橋上經過一番策劃和思量，我決定透過潛行的方式，入去調查少佐的位置。
只需利用花草、石柱、牆壁的掩護、就能混入其中。
在沒有守衛和哨兵的情況下，我幾乎能夠出入自如到達每一處。
他們的活動範圍主要分為幾個部份，康城一期樓下的花園、私人會所和不同的單位。
對於路面不熟的我來說，根本不知道夏晴給收藏到哪裡，更重要一點是，少佐有否被捉也是個疑點。
我本來一直毫無頭緒，直至混入了他們的烤肉派對，無意聆聽到一些重要的信息。
「喂，你估大威嗰班友...仲要喺嗰到守幾耐？」一個跳著舞的中年男人，說。
「點鬼知～？可能啲病者封死咗佢哋返嚟條路，又或者守上癮，同班犯有咗感情？」
「犯...」我對這個字，意外地敏感。
換轉另一個意思去理解，可以是「俘虜」。
「咦...」突然，跳舞那個人視線放了在我身上：「你係...？」
「你係邊個？好似未見過你......」另外一個人也望向我。
我走到燒烤爐面前，撿起那把剪肉刀，再架在跳舞男的喉上：「你哋啲犯喺邊...」
優閒愉快的氣氛，瞬間冰冷下來。
周遭的人，都懵然地望向了我那邊。
「再問一次，啲犯喺邊。」我說得更大聲。
「你放...放低交剪先...」、「哇啊...啊啊啊...又嚟啦......」、「咩事啊...」
「咩犯...我...我唔清楚......！」被我架住的男人，驚慌失措地說。
「你哋綁架嘅人，放喺邊。」我再問。
「我哋邊有綁架人......」大家開始議論紛紛，大感訝異。
其實我都開始覺得奇怪，因為不法者跟我意想中的凶狠、強悍有些落差。
這群被我用剪刀威脅著的人，居然還不會第一時間掏出武器，而是訝異地凝視看戲，跟大本營和艾寶琳的普通倖存者根本沒什麼分別。
「你哋係假傻定真唔知。」我用剪刀架著那名男人，慢慢步到不會受背襲的位置
「你放咗佢先講...！」現在變得我才是壞人那樣。
「你哋係不法者？」保有疑問的我，問。
「不...法者？我哋唔係啊！」他們說。
「咁你哋係咩人。」
「普通嘅......倖存者渣...！」
一路上抱有疑問的我，放開了被我架持著的男人。
「睇你哋都唔似。」我橫視住他們眾人。
因為他們之中有男有女、有老婦、有老伯之外，也有著小孩，如果是作惡多端的勢力，應該不會讓老弱婦孺存在。
有些事情，聽是無用，雙眼看過才能明白。
「呢到唔係你廚房，唔係放低把交剪就走得。」一個四十出頭，神態悠然自得的男人，從眾人之中慢步而出：「唔好諗住輕鬆入嚟，輕鬆走。」
以氣勢上來看，不是普通的人。
「既然你哋唔係不法者，就唔係我搵嘅對象。」我說。
「不法者？好耐冇聽過呢個名，但好遺憾都要講一聲，你要搵嘅不法者，已經唔存在喺世上。」那個男人說：「應該講，我已經抹殺咗佢哋存在嘅證明。」
「...」我們彼此直視。
他的眼神沒有任何回避之意：「未知你嘅大名。」
「鳥嘴。」
「大家都叫我做明雲，算係康城區嘅發言人？」穿住筆直西裝的他，的確有住其他人無法比擬的氣勢：「你係單獨嘅倖存者？」
「距離幾十公里外，係我嘅倖存區。」我的言下之意，自己並不是孤身一人。
在這種時候，要是向對方表明自己單獨一人的話，恐怕會遭遇測。
有時候，簡單的談話也會滿藏住殺機。
「可能我哋係比較保守？能夠做到自給自足，要電有電、要水有水、要火有火，我哋唔需要外界任何支援，唔需要搶奪或者跪拜任何人。」明雲向我表明拒絕來者的態度：「基本上，唔會同康城之外嘅人，有任何來往。」
「咁就好，如果你哋真係冇派人出過嚟綁架過倖存者。」
「雖然我唔太明白你嘅意思，但好遺憾......」明雲撥一撥手，幾名男子阻撓我的去路：「既然你知道咗我哋嘅根據地，就唔可以白白咁放你走。」
「所以...」我望住開始圍繞住我的男人，說：「你要殺咗我？你最好有咁嘅膽量。」
「我有。」明雲盯緊著我。
就在他們的打手快要拉住我之際，地鐵站那邊突然傳來了巨響......！
「轟呯呯呯呯──」強大的撞擊聲，幾乎令人搖搖欲墜。
「咩...咩事啊...」、「電機庫嗰邊出事啊！！」、「啲食物同水都喺嗰到架...！」、「喂...咩聲啊......」
明雲的眉頭這才皺了皺：「你......？」他懷疑是我做的好事。
「我覺得，你即刻派人去睇下咩事比較好。」儘管不關我的事，我還是如此答道。
明雲沉下了臉色，用眼神示意其他人過去地鐵站查看一下發生了什麼事。
「如果地鐵站嘅嗰下巨響，係因為你預計呢刻會發生嘅事情而造成，我會好感遺憾。」明雲對我說：「因為...原本可以痛快咁死嘅你，之後將會變得非常煎熬、非常漫長。」
「明雲！」剛才我有印象的一個地鐵站守衛，喘大氣地跑了回來：「地鐵站嗰邊......所有糧食同機器，都要棄守啦...」
「咩事？」明雲深入地問。
就在此時，我無意間望到自己不久前站著來觀察這裡的行人橋上，有個男人正凝視住我。
但一眨眼間，便消失在我眼前。
那短暫得不足半秒的時間中，只留下了那男人深邪地揚起嘴角的畫面在我腦裡。
「...邊個」我望著那空掉的位置。
「係......係病獸...嗄...有一隻衝咗入嚟，已經改變唔到事實...要即刻走！即刻撤離！」地鐵站守衛說。
「病獸...？」明雲自唸道：「邊有可能......佢哋平時唔會亂衝亂撞。」
「佢...佢呢家就喺外面嗰到，撞爆咗地鐵站對出入口嘅大閘！」地鐵站守衛說得異常激動，跟剛才無精打采的模樣完全不同：「我哋走啦......！」
「地鐵站嗰到有我哋好多糧食同重要機器...」明雲沉痛地下了決定：「不過人命更加重要，叫所有人即刻疏散。」
「知道！」
「咁快落決定？」剛才開始，已經被兩個壯男捉住手臂的我無奈一笑。
「快速落決定，就係最好嘅決定。」明雲望望周圍，再對捉住我的兩名打手交代：「帶埋佢走。」
「我可以幫你。」
「你？」明雲盯我一眼。
「如果白白任由病者摧毀啲糧食同機器就太過可惜。」
「你有咩方法。」明雲走上前，極近距離地直視著我：「病獸無論用槍用刀都無效，體格更加唔係我哋人類對付得到。」
「我自然有方法。」我亦回盯著他：「但叫你啲跟班放手先。」
「點解要幫我？」明雲問。
「我最鐘意同敵人做朋友。」
「放開佢...」明雲下令，兩名壯漢隨即鬆開我的臂。
「你兩個，跟埋我過嚟。」我走往地鐵站的方向。
「我...我哋都要...？」剛才捉住我的兩名壯漢，頓時露出畏懼之色。
「去。」明雲點頭，也跟了過去。
還未去到地鐵站前，裡面已經一陣陣的震耳的暴響。康城的地鐵站如同普遍一樣，都是建設在地下的，因此病獸在入面進行破壞的聲響也是特別大。
「喺入面...咁都幾難搞。」我凝望住那地鐵站的入口。
「我好似送死咁......」其中一個壯男承受不住，便逃跑了：「對唔住！！我唔會自殺！！！」
「喂...」明雲叫也叫不住。
「由佢走。」說畢，我開始深入地鐵站中。
一落樓梯，便見瓦石碎片亂飛。
那隻約有四米高的巨型怪物──病獸，正在任意破壞。
它披頭散髮，用住強大的身軀去衝撞這一切。
「都係接近唔到......」明雲望向那幾部自製發電機：「或者加大電力去到超負荷...再引佢撞過嚟，應該可能可以電停佢。」
「對唔住明雲主公！！！我...我...我都仲未想死呀！！！！」另一個壯漢，也馬上逃跑了。
「你...」明雲也是叫不住他。
「直接引佢出去。」我說。
「引...？」
「對付佢應該冇乜辦法，但係病者嘅弱點就係智慧，呢樣係我哋人類嘅唯一優勝之處。」我深一下呼吸後，望準前方：「一陣我一直跑到出去就得。」
「跑出去之後係巴士站嗰片空地，你實唔夠佢快......最後都會俾佢撞散。」明雲說出重點。
「佢好似冇乜視力，只係靠聽覺。」我慢慢靠前到病獸的位置。
「咁你嗰個就做Plan B，我有自己一套。」明雲徑自行動，開始把糧食倉的水都傾倒出地上，任由它在地上慢流。
再把拔出了發電機其中一條電線，刻意將線頭弄得破破損損的，再拉了出來握上手中。
「你想點...」我望住他。
明雲把糧食倉找來的罐頭食品擲到剛才傾倒食水的位置。
「噹...」罐頭食品的跌落，發出了聲音。
「嗚...啊呀呀......」病獸哀喊一聲，就衝了過去聲音之處。
明雲再站在遠處如同揮動鞭子一樣，打在那水跡之上！
「呯噠──！」破損的電線頭接觸到水面的一剎那，發出了耀眼的閃火。
「電...？」我怔然。
「好基本嘅元素運用。」明雲微笑。
「嗚呀呀呀......！」病獸哀痛地叫了一聲：「嘎...啊啊...嗚...」
「畜生......」明雲沒停地繼續往那向方鞭著。
電力就不斷源著水面傳導到病獸的身上，可能是因為強力的電力關係，暫時真的壓抑住了病獸的行動。
不過電機房很快就傳來不安的聲音，機器吵雜的運作聲越來越大，我走了入去觀望一眼，才發現剛才明雲都把自製發電機的電力提升至最高，機器已經嚴重超過了電荷，致使機器開始冒煙、冒電。
我想叫他停止之際，發電機已經「呯呯呯──」的幾聲，全部爆開，停止運作。
明雲他手上的「電鞭」，也顯然起不到作用了。
於是我代替他上前，趁病獸還未完全站起的時候，從它身邊掠過並用雨傘敲打進行挑釁，繼而往著康城巴士站方向跑著。
「嗚啊啊啊呀呀呀呀呀！！！！！！」不出所料，病獸被徹底激怒了，而選擇撞擊的目標是我。
就在我背部快要吃上它的衝撞時，我成功趕到落樓梯的路段，勉強生還下來。
落完整段樓梯後，我能清楚看見被它撞開的地鐵站鐵閘，而且外面還下著大雨。
沒有選擇的我，只得繼續向前狂跑。
我的目標，是康城巴士站對出的大海，兩者之間距離不到十米，計劃肯定能成。
「嗚呀呀呀呀呀！！！！！！」病獸在後，如頭牛的狂衝。
在它的激盪的步伐前，我顯得格外渺小。
就在我要跑到鐵絲網之際，病獸都已經追到我的身後，無路可走的我只得向右邊飛撲！
「呯──」水花四起。
最終，我身體還是被病獸的腳部無情地掠過撞到了一下，使我飛彈到幾米之遠。但它，也因為盲衝直撞到大海之中，沒入水裡。
「嗄...嗄......啊...」這一撞，幾乎要了我的命一般。
我脫下面具，咳出口中溢出的鮮血。
「咳...嗄...咳咳，嗄...」看來一次比一次嚴重。
幸運地，我沒有受到外傷，手腳四肢還能郁動。
但是那一撞，就像把我五臟六腑都反轉了一樣，似乎受了好大的內傷，讓我喉嚨感受到那血腥的味道。
渾身也發著熱，一股想要嘔吐的感覺。
「你點...？！」那個明雲，追了出來。
「你班...手下。」我搖搖欲墜地，走到他身邊：「真係好廢。」
「你...」明雲眼睛稍為睜大，愣然：「吐血......」
「...」我身體不自覺傾前，想要暈倒似的。
明雲及時捉住了我：「頂住...我帶你返去。」
「嗄...咳...」
「為咗...唔識嘅人，值得咩。」
「我...無諗過自己會...受傷...」我也太高估自己了。
「你頂住...！」明雲把我扶起，帶到了一個地方。
我也不知道是哪裡，因為那一刻眼皮垂得很低，幾乎想要完全睡著。
只有綿綿不盡的長雨，打在我的身上。
「你諗下自己最親嘅家人。」明雲想說些什麼，讓我繼續支撐著餘下的路。
「我...冇...」
「咁人生在世，都總有一、兩個後天親人。」明雲又說。
「...嗯」
最後，我真的失去意識了，睡了段的時間。
醒來已經是給人在床上照料著，格局看起來跟病房無異。
我緩緩地掀開被子，才發現自己上半身給人包紮過。
望出床邊的窗，我身處的地方是康城一期的其中一橦樓宇中。
「你醒啦？」一位疑似姑娘的人物，走過來問：「康復能力唔錯喎。」
「我...都經歷過好多次。」我準備落床。
「你暈咗只係半日，我哋有明雲主公幫你睇咗啊，佢話你副身體都幾硬淨，睇萿係個受慣傷的男人喎。」姑娘又笑著，說。
「主公...？」
「呢個稱呼係我哋同明雲開嘅玩笑姐，」姑娘笑一笑，說：「我叫佢入嚟，你等等。」
「喔...」
之後，我又靠著窗邊望，見到樓下的人都各有各生活，不過都是愉快的活動，全部人的臉上都展現著笑容，不會像大本營愁眉苦臉地等配給，或艾寶琳那樣焦頭爛額地賺錢。
對外人來說，或許康城這裡才是真正的......樂園。
「咁快醒番，果然係有經驗嘅倖存者。」明雲敲敲門，進來了：「你身上嘅傷痕，係呃唔到人」
「你係個醫生？」我問。
「我其中一個身份，」明雲點頭，說：「另一個身份，就係帶領住呢到嘅人。」
「原來係專業人士，失敬。」我揚起嘴角。
「其實住得康城呢到嘅人，本身都叫得做中上階層，我呢啲專業人士多一個唔多、少一個唔少。」明雲繼續說：「所以我哋有自製發電機、濾水器、熱火爐呢啲基本嘢，包括你床邊嘅醫療設備，去到奢侈啲嘅......唱片機都有工程師識整返。」
說畢，明雲就按了按放在桌上的唱片機，把它啟動起來。
唱片機播出經典的旋律，是蔡琴的《被遺忘的時光》。
「你哋知識水平都幾高......」望住樓下輕鬆按個鈕就能生火的人，我想起了大本營的人要拚了命般生火。
「還好，都叫做過得舒適。」明雲淡淡一笑：「如果唔係你，我哋可能就要棄置呢到，裝置咗好耐嘅貴重機器就通通都要放棄。」
「你語氣好似變咗第二個人。」
「一開始頭要向外來嘅人下馬威，我無可否認個氣勢一定要夠強。」明雲說下去：「如果唔係，只會俾人欺壓。但睇嚟，你都唔係太驚......」
「最多咪死。」我淡然地說。
「...」明雲望住我：「你之前嗰句，最鐘意同敵人做朋友係咩意思？」
「你估下。」其實，我是在嘲諷自己以前擔當間諜日子。
「唔估，或者有一日，我會自己滲透得到。」明雲溫柔地微笑。
「我問你，你真係唔係不法者？」我認真回來，再問一次
「唔係，如果我係不法者，我都唔會救你。」明雲望住我，說：「我救你，係因為你有仁義嘅心，我覺得你係個好人。」
那為什麼...
Sona會在地圖上，標記你們為「不法者」，而且對你們發電房、糧食擺放的位置如此清楚？
「你識唔識一個女仔，叫Sona？」我又問。
「So...na？」明雲明確地搖頭：「冇聽過。」
「...」看來當中，有我不為人知的事情。
不是明雲在說謊，就是Sona在說謊，雖然現在我比較信賴前者。
「你哋防守太鬆懈。」我說。
「咁係因為，我哋一直至以嚟都冇受過任何外來倖存者嘅襲擊，加上呢到嘅人都冇乜邊個想做守衛咁辛苦。」明雲說。
「難怪之前見你守住地鐵站嗰班守衛冇乜精神。」
「相比起守住不法者嘅守衛，佢哋已經算幸福。」
「不法者？」
「你講嘅不法者，的確係存在。」明雲點頭，說：「不過已經係好耐世紀之前嘅事...大概係兩年前，依家佢哋已經俾我哋囚禁喺康城外面嘅一橦監獄大樓入面，應該已經餓死咗。」
「餓死咗？」
「冇錯，當年康城嘅倖存區整咗個監獄，係用嚟囚禁罪犯。」明雲淡淡地帶過：「後來康城倖存區內部發生一啲事。我哋稱搞事個班人為「不法者」，就用計將佢哋監禁住，一開頭都有派人去嗰邊住，餵嘢食俾佢哋，但最近半年已經停止，所以應該都餓死哂。」
「你哋冇搵人去睇下？」
「嗰個監獄喺將軍澳工業邨個邊，沿路多病者，冇人會為咗睇嗰班囚犯生定死，而交出自己條命。」
「即係不法者......有可能就係綁架夏晴佢。」
「你朋友俾人捉咗？」
「係。」
「喺邊到俾人捉？」
「大概......魔鬼山嗰邊。」
「咁離康城好遠...不法者應該唔會特登走咁遠綁架你朋友，唔綁架我哋嘅人。」
「咁要去睇過先知。」我下床了。
明雲始終讓我先別急著去，因為身體其實還未完全康復。
叫我多待在床上兩天，但我才沒那麼多時間陪他耗。
「你嗰位朋友肯定好重要。」為了留下我，他更親自奉上晚餐：「但你自己都好重要，食啲嘢先，對朋友好係道理，對自己好先係真理。」
「烤洋蔥、漢堡包？」我望住手上的晚餐。
「理論上你傷到咁，係唔食得呢啲。」明雲咬著烤香了的急凍魚手指，說：「不過唔緊要～做人開心最緊要。」
「都係...」我咬了一口美味無極的漢堡包，肉汁瞬間溢出，令我嘴巴中都充滿住生命力：「哇...！？」
「哈哈哈，唔錯呢？」明雲爽朗地笑著。
「簡直係衝擊我價值觀......」
「我哋有五星級大廚整，所以先咁好味。」明雲提醒我，說：「係呢個倖存區限定。」
「可能我哋係比較保守？能夠做到自給自足，要電有電、要水有水、要火有火，我哋唔需要外界任何支援，唔需要搶奪或者跪拜任何人。」明雲向我表明拒絕來者的態度：「基本上，唔會同康城之外嘅人，有任何來往。」
「咁就好，如果你哋真係冇派人出過嚟綁架過倖存者。」
「雖然我唔太明白你嘅意思，但好遺憾......」明雲撥一撥手，幾名男子阻撓我的去路：「既然你知道咗我哋嘅根據地，就唔可以白白咁放你走。」
「所以...」我望住開始圍繞住我的男人，說：「你要殺咗我？你最好有咁嘅膽量。」
「我有。」明雲盯緊著我。
就在他們的打手快要拉住我之際，地鐵站那邊突然傳來了巨響......！
「轟呯呯呯呯──」強大的撞擊聲，幾乎令人搖搖欲墜。
「咩...咩事啊...」、「電機庫嗰邊出事啊！！」、「啲食物同水都喺嗰到架...！」、「喂...咩聲啊......」
明雲的眉頭這才皺了皺：「你......？」他懷疑是我做的好事。
「我覺得，你即刻派人去睇下咩事比較好。」儘管不關我的事，我還是如此答道。
「可能我哋係比較保守？能夠做到自給自足，要電有電、要水有水、要火有火，我哋唔需要外界任何支援，唔需要搶奪或者跪拜任何人。」明雲向我表明拒絕來者的態度：「基本上，唔會同康城之外嘅人，有任何來往。」
「咁就好，如果你哋真係冇派人出過嚟綁架過倖存者。」
「雖然我唔太明白你嘅意思，但好遺憾......」明雲撥一撥手，幾名男子阻撓我的去路：「既然你知道咗我哋嘅根據地，就唔可以白白咁放你走。」
「所以...」我望住開始圍繞住我的男人，說：「你要殺咗我？你最好有咁嘅膽量。」
「我有。」明雲盯緊著我。
就在他們的打手快要拉住我之際，地鐵站那邊突然傳來了巨響......！
「轟呯呯呯呯──」強大的撞擊聲，幾乎令人搖搖欲墜。
「咩...咩事啊...」、「電機庫嗰邊出事啊！！」、「啲食物同水都喺嗰到架...！」、「喂...咩聲啊......」
明雲的眉頭這才皺了皺：「你......？」他懷疑是我做的好事。
「我覺得，你即刻派人去睇下咩事比較好。」儘管不關我的事，我還是如此答道。