跟在他背後的我，說：「入迷到跟蹤、收集關於病者嘅嘢。你係我第一個見過，發自內心鐘意病者嘅人...」
「正常人可以鐘意小狗貓咪...」班尼反問：「班尼就唔可以鐘意病者...？」
「病者唔係貓狗...」
「我就知道...鐘意奇怪嘅嘢，總係會惹人討厭。」班尼突然用反常的聲線，說：「因為我同你哋唔同類...唔係所謂大家口中嘅「正常人」！而係怪胎......所以就應該受到卑視嘅對待。」
班尼越說越大聲，空曠的渠道亦傳開著他的回音，直至不明的一下瀝水聲出現，他才停下了說話、停下腳步。
他怔住，仔細聆聽著那瀝水踐踏的聲音：「佢喺附近...死屍嘅腥臭味都越嚟越濃烈......」
我戴住放有香草、薄荷葉的鳥嘴面具關係，完全聞不到班尼所說的味道。
「跟我嚟...細步啲。」班尼向後面的我招手，小心翼翼地踏出每一步向前。
儘管我小心地跟隨住班尼，但還是不小心地差點摔了一跤，還好我及時用傘子撐住了。
那絆倒我雙腳的物體，沉在蓋過我雙膝的污水之下，使我不知是什麼來頭。可我心中自有明白，那質感跟人類沒什麼差別......
最大機會，是死屍了。
可是我對死屍沒興趣，更對被水弄得發脹多時的屍體沒興趣，所以沒打算拉出來看是什麼東西，直接掠過而行便算。
突然，走在前方的班尼將火把浸入下方的污水之中，渠道立即漆黑一片，伸手不見五指。
然後，前面的班尼打開火機，幽幽的小火光隨即亮起，成為黑暗之中唯一的明燈。
班尼他應該怕，等下火光太大會令盜屍賊發現......才轉用火光最微弱的火機。
如今走到此步，我都無可退路，只好跟住班尼繼續前進。
終於，我們走到去渠道的盡頭斷口。
再走入去，便是下水道的中央聚水處，入面樓底有幾層高，為一個六角型。如果洪水過多的時候，就會讓水聚集於此處，再慢慢上溢，至到最高位便流出地面。
「你睇下...」下水道中，班尼指住前方。
他沒有說錯，畫面的確震撼到我了。
數之不盡的屍體，被人堆疊得如高山般。
有些手腳不齊、有些死相慘烈、有些滲水發脹，唯一共同點都是動不了的屍體。
「數百...定數千...？到底有幾多屍體...」眼前的畫面，徹底顛覆我所認知的。
「你唔會數得清......佢哋每一朝、每一晚、每一日，都好努力咁工作，直至世上唔再存在人類為止。」班尼微笑。
「咁病者屍體？」
「可能有第二個分類站？我認識嘅呢一個...就係最大嘅人類屍體收集站。」班尼指住下水道入面，一個陀背的身影：「佢喺個到...盜屍賊。」
雖然名為「盜屍賊」，懂得穿衣服、很多體型、動作上都酷似人類，但對方確是一隻貨真價實的病者。
在上方渠口隱約照射的光芒下，我們能清楚看見盜屍賊臉上的紅點，其焦黃的皮膚、骨瘦如柴的軀幹和彎彎的陀背，都是它最好的特徵。
「估唔到...將軍澳仲會有病者我係第一次見。」我望住盜屍賊，說。
在下水道中央的盜屍賊每走幾步，都會鬼祟地環顧左右兩邊，每一步都走得很輕、很快，興趣和習性......應該便是拖屍。
我和班尼在在其中一條大渠管中，默默觀察它極久......
發現它在下水道中會做的事，便是漫無目的地拖住人類的屍體而行，有時候會將屍體擺放得整整齊齊，有時候又會把男女屍體各分一邊來擺放，總之會做的事是離不開「拖屍」這兩個字。
「你試諗下...如果人類冇咗佢默默喺地面上收屍會點...？」班尼對住我，肯定地說：「不出半年...！！病毒、瘟疫都會因為屍體而大爆發，到時連我哋呢班僅餘嘅人類都生存唔到落嚟......」
「...」
「要感恩...佢哋為我哋人類付出，幫我哋收集街上嘅屍體遠離地面。」說著說著，班尼更合起禱告的手。
原來一直以來......
街上的屍體總會隔一段時間就不見的原因，是因為有習性為專門盜屍的病者存在。
想到背後原因，我後背不禁發涼。
因為這表示，它們的躲藏技術高超。
「不過...佢哋冇攻擊人類嘅特性？」我問。
「唔清楚...就算有都唔緊要。」班尼對住不遠的盜屍賊會心一笑。
那微笑，彷如見到意中人般。
「既然冇乜害，我哋就走，時間都唔早。」我說。
「我仲想留喺到望住佢......」班尼完全不想動。
「帶我出去。」我聽到渠管之間的污水流動聲越來越快。
「今日...我點都要拎到關於佢嘅嘢嚟收藏......」越望，表情越是肉緊的班尼，拔出了把狩獵小刀。
「你想點...」
「我要割佢一隻手出嚟！做我其中一樣收藏品......」說畢，班尼已經一副準備好跳落下水道中央處的模樣。
「等陣...你要落去？」我望住班尼。
「係啊！你會陪我？」班尼興奮地問。
「首先...我冇興趣陪你去收集病者嘅身體，第二拎個火機俾我。」我要用來照明出去。
「我唔會俾你...！要走就等我割埋佢隻手，先走！」班尼斬釘截鐵地說。
「你個病者狂熱者......」我一手強行搶奪走他的火機，到自己手上。
反應不來的班尼，完全沒法搶回來。
「俾...俾返我！」班尼盯住自己的火機，想過來搶。
「出去，唔好做無謂嘢。」我盯住班尼他，說：「入嚟之前，我冇應承過會陪你做咁危險嘅事。」
「你...你唔俾返我！我會桶死你！」班尼把手上的狩獵小刀指向我，奸笑著。
「你太失敗，失敗在......太快將意圖講出嚟。」說畢，我伸腳把班尼踢落到下水中央處入面。
「...」中了一腳，被踢飛出去渠管的班尼，在半空中凝望住我。
「砰噠──」沉實和濺水的聲音。
班尼被我踢下去下水道了，要爬回來上來這個渠管的話，他需要用很多屍體來堆疊上來。
「不良人就係不良人......果然，都係信唔過。」我望住手上的火機，說。
把班尼踢下去後，我已經把他當作死了一樣，我沒閒情去關心個上一秒想拿狩獵小刀刺我的病者狂熱份子。
我打開火機，拆下面具返回原路。
根據剛才班尼所說，我只要離這陣屍腥味越來越遠，就能夠離開渠道。
可是海水越流越多，要返回原路開始步步為營，只要紮不好馬步都會被湧入來的海水衝回入去下水道。
可是情況總是事與願違......！
海水不斷湧入，由原先的膝頭，漸漸淹沒到上胸......
我苦苦抓住一邊的凹凸位，想要保持平衡，可還是敵不過大自然的力量，海水把我一同衝進去。
有好幾秒，我都無法呼吸......
直至海水把我衝回到那下水道之下。
「哈佬...你又返嚟啦？」班尼怪異的笑聲，在我旁邊傳出。