原本續寫祁文傑追思嘅，點知睇完「古惑仔」十二期嘅牛佬筆記，思緒起伏，因爲今時今日至覺得牛佬「大個仔」嘞，終於識得諗。牛佬係漫畫業三個專業管理人員成功者之一，但係我因乜喺今日至覺得但「成熟」呢？
牛佬喺專欄內概嘆被小寶言中，做老闆因爲壓力太大，稿質難以保持高水準，每日面對無盡行政、人事、畫稿…等事項，煩到出晒煙，加上「不可蝕錢」的無形壓力，叫牛佬大感要專注做好稿件實在心有餘而力不足！
牛佬的心聲，對劉定堅來說實在是一種安慰，最低限度，他的心聲証明了建立一間漫畫公司，實在唔係話咁易。要面對行政、財務、稿質、人事、拓展…，最要命還是唔蝕得的無形力，眞是談何容易。畫壇三大成功例子，黃玉郎、馬榮成、上官小寶，他們建立漫畫公司，全是倚靠個人作品魅力，老細自己的畫可以在市場上穩定地生財，消除了「財源壓力」。就算某新書蝕本、員工薪金負荷太重、又或是其他附屬小主筆唔生性脫期，公司運作依然穩定，員工們也就母須食驚風散。一切在資源充足下，自然會順順利利了。
牛佬半生爲打工仔，眞眞正正投資經營生意，對一個讀書少，教育程度低，欠缺現代管理認識的他來說，實在是一種過份的苛求。黃玉郎、上官小寶、馬榮成的成功例子，全因爲個人作品有很高的市場價值而已。縱觀行政管理、財務安排、業務拓展、人事結構，實在不敢恭維，笑笑算了！還幸只創業三月，牛佬就成熟了，更願承認「力有不逮」。他的甘願面對現實，証明了這頭「牛」長大了。然而可惜「好境不常」，尾後專欄牛佬的一段誓要搏命砌掂「五湖四海」，又再走入死胡同。唉！明知本書唔得，點解要鑽牛角尖死撑呢？個人力量能起死回生，偏重在稿紙上，明顯是漫畫人當老闆的死結。本書唔掂，首先應該分析清楚本書係因乜唔掂，而並非勉強自己更加努力。就譬如自己不能衝破前面石牆，於是退後吸幾口氣，頂硬上再衝過，直至皮開肉爛、手腳折斷…，總之點都要衝過爲止！你目的係想到達牆的另一面啫，擒過去，轉個彎行過去都得嘅啫。家陣唔係打瓦片，練得多就會更勁。做生意是講求靈活變通，死牛一便頸只會自討苦吃！
牛佬的思想就如他編繪「五湖四海」的「程式」般十年如一日，係都要用以前嗰套成功模式，唔肯面對現實。家陣嘅功夫書仲玩套乜鬼莫家槍，嘩！咁都得？偏偏這個時代還有個咁硬頸嘅牛佬，跟住仲老實不客氣映埋相表演功夫，眞頂佢唔順。以心理角度分析，牛佬就係因爲懂得功夫，又認爲自己功夫出眾，所以一定會編出好勁好受歡迎嘅功夫漫畫。咁戆Q嘅理論，應該話佢幼稚定有個性呢？！
「浩一」是科班出身集合力量而成的漫畫公司，從前依照類似模式而成功的個案帶頭者實力都較強。「古惑仔」可以站穩市場，但二萬多D銷量要養起二十餘人，未免太過艱難。一年內，要是不能起出另一本成功書刊，銳氣過後，其他誘惑便可能令主力合作者分裂、解體。究竟一間新漫畫公司係唔係咁易建立呢？牛佬未曾讚過「自由人」，家陣到我哋等住睇但SHOW料，伸定手抹乾淨等拍掌讚佢嘞！